ബ്ലൂസ്റ്റോൺ പള്ളി മണികൾ

ബ്ലൂസ്റ്റോൺ ഒരു ആകർഷണീയമായ പാറയാണ്. അതിൽ അടിക്കുമ്പോൾ, ചില ബ്ലൂസ്റ്റോണുകൾ സംഗീതാത്മക ശബ്ദം മുഴക്കും. വെൽഷ് ഗ്രാമമായ മെൻക്ലോഖോഗിൽ പതിനെട്ടാം നൂറ്റാണ്ട് വരെ ബ്ലൂസ്റ്റോണുകൾ പള്ളി മണികളായി ഉപയോഗിച്ചിരുന്നു. രസകരമെന്നു പറയട്ടെ, ഇംഗ്ലണ്ടിലെ സ്റ്റോൺഹെഞ്ച് ബ്ലൂസ്റ്റോൺ കൊണ്ടാണ് നിർമ്മിച്ചിരിക്കുന്നത്. അതിനാൽ ആ അടയാളക്കല്ലുകളുടെ യഥാർത്ഥ ഉദ്ദേശ്യം സംഗീതമാണോ എന്ന് ചിലർ ചിന്തിക്കുന്നു. ചില ഗവേഷകർ അവകാശപ്പെടുന്നത്, അവയുടെ സവിശേഷമായ ശബ്ദ ഗുണങ്ങൾ കാരണം സ്റ്റോൺഹെഞ്ചിലെ ബ്ലൂസ്റ്റോൺ ഇരുനൂറ് മൈൽ അകലെയുള്ള മെൻക്ലോഖോഗിന് സമീപത്ത് നിന്നാണ് കൊണ്ടുവന്നതെന്നാണ്.

സംഗീതം പൊഴിക്കുന്ന കല്ലുകൾ ദൈവത്തിന്റെ മഹത്തായ സൃഷ്ടിയുടെ മറ്റൊരു അത്ഭുതമാണ്, ഹോശാന ഞായറാഴ്ചന യെരൂശലേമിലേക്കുള്ള തന്റെ പ്രവേശന വേളയിൽ യേശു പറഞ്ഞ ഒരു കാര്യം അവ നമ്മെ ഓർമ്മിപ്പിക്കുന്നു. ആളുകൾ യേശുവിനെ സ്തുതിച്ചപ്പോൾ, അവരെ ശാസിക്കാൻ മതനേതാക്കന്മാർ അവനോട് ആവശ്യപ്പെട്ടു. അതിന് യേശു പറഞ്ഞ മറുപടി, "ഇവർ മണ്ടാതിരുന്നാൽ കല്ലുകൾ ആർത്തുവിളിക്കും എന്നു ഞാൻ നിങ്ങളോടു പറയുന്നു'' (ലൂക്കൊസ് 19:40).

ബ്ലൂസ്റ്റോണിന് സംഗീതം സൃഷ്ടിക്കാൻ കഴിയുമെങ്കിൽ, അവയുടെ സ്രഷ്ടാവിനു സാക്ഷ്യം വഹിക്കുന്ന കല്ലുകളെപ്പോലും യേശു പരാമർശിക്കുകയാണെങ്കിൽ, നമ്മെ സൃഷ്ടിച്ചു, നമ്മെ സ്‌നേഹിക്കുകയും, നമ്മെ രക്ഷിക്കുകയും ചെയ്തവനോട് നമ്മുടെ സ്വന്തം സ്തുതി എങ്ങനെ പ്രകടിപ്പിക്കാം? അവൻ സകല ആരാധനകൾക്കും യോഗ്യനാണ്. അവന് അർഹിക്കുന്ന ബഹുമാനം നൽകാൻ പരിശുദ്ധാത്മാവ് നമ്മെ ഉണർത്തട്ടെ. എല്ലാ സൃഷ്ടികളും അവനെ സ്തുതിക്കുന്നു.