ഓട്ടോറിക്ഷയിൽ നിന്നും ക്രിസ്തുമസ് ട്രീ ഇറക്കുമ്പോൾ ഞങ്ങളുടെ അയൽക്കാരും സമപ്രായക്കാരായ കുട്ടികളും ചുറ്റുംകൂടി അതിശയത്തോടെ നോക്കാറുണ്ട്. താമസിയാതെ ഞങ്ങളുടെ കളിക്കൂട്ടുകാർ വീട്ടിലേക്ക് വരികയും ട്രീ അലങ്കരിക്കുവാൻ ഞങ്ങളെ സഹായിക്കുകയും ചെയ്യും. ബലൂണുകൾ ഊതി വീർപ്പിക്കുകയും, വർണ്ണ കടലാസിലും, പഞ്ഞിയിലും മറ്റും തീർത്ത അലങ്കാര വസ്തുക്കൾ കൊണ്ട് ട്രീയെ അലങ്കരിക്കുകയും ഇടയ്ക്കിടയ്ക്ക് പിന്നോട്ടു മാറി നിന്ന് ഞങ്ങൾ നിർമ്മിച്ച ട്രീയുടെ മനോഹാരിത ആസ്വദിക്കുകയും ചെയ്യുമായിരുന്നു. ഞങ്ങൾ കണ്ടിട്ടുള്ളതിൽ വച്ച് ഏറ്റവും മനോഹരമായ കാഴ്ചകളിൽ ഒന്നായിരുന്നു അത്, മാത്രമല്ല ‘ക്രിസ്തുമസിന്റെ ഗന്ധം’ ഞങ്ങൾക്ക് മതിയാവോളം ആസ്വദിക്കുവാനും കഴിഞ്ഞു.

ക്രിസ്തുമസ് ട്രീയുടെ ഉത്ഭവത്തെയും പാരമ്പര്യത്തെയും സംബന്ധിച്ച് തർക്കങ്ങൾ ധാരാളം നിലനിൽക്കുന്നു. എന്നാൽ സൗന്ദര്യവും ലക്ഷ്യവും ഉള്ള മനോഹരമായ ഒരു മരം കാൽവരിയിൽ ഉണ്ട് ആ മരത്തെ കുറിച്ച് യാതൊരു തർക്കവുമില്ല.കാൽവരിയിലെ ഈ മരത്തിന്റെ ഭംഗി കേവലം അലങ്കരിച്ച വസ്തുക്കളെ കൊണ്ടല്ല മറിച്ച് അതിൽ തൂങ്ങപ്പെട്ട ദൈവപുത്രനായ യേശുക്രിസ്തു ആണ്. യേശുക്രിസ്തു മാനവരാശിയുടെ മുഴുവൻ ശാപങ്ങളും ഏറ്റെടുത്തു. നമ്മുടെ പാപങ്ങളും, പരാജയങ്ങളും കാൽവരി ക്രൂശിൽ യേശുവിനോടൊപ്പം തകർക്കപ്പെട്ടു, യേശു ശാപമായി തീർന്നത് കൊണ്ട് നമ്മൾ അനുഗ്രഹിക്കപ്പെട്ടു. യേശു നമുക്കുവേണ്ടി ജനിച്ചു, നമുക്കുവേണ്ടി മരിച്ചു, നമുക്കുവേണ്ടി വീണ്ടും വരും. യേശു നമ്മിൽ നിന്നും ആഗ്രഹിക്കുന്നത് നാം അവനു വേണ്ടി ജീവിക്കുക എന്നുള്ളതാണ്.

പ്രിയ പിതാവേ, മിന്നുന്ന വെളിച്ചങ്ങളുടെയും അലങ്കരിക്കപ്പെട്ട ക്രിസ്തുമസ് ട്രീയുടേയും ആവേശത്തിനപ്പുറം കാൽവരിയുടെ ഭംഗി ആസ്വദിക്കുവാൻ എന്നെ സഹായിക്കേണമേ. ആമേൻ. 

– റെബേക്ക വിജയൻ

« മുമ്പത്തെ അടുത്തത് »